Një aksident i rëndë automobilistik është regjistruar mbrëmjen e kësaj të diele në hyrje të Lezhës, ku mësohet se dy automjete janë përplasur me njëra-tjetrën.
Nga informacionet paraprake mësohet se si pasojë e aksidentit kanë mbetur të plagosur tre persona, ku dy prej tyre ndodhen në gjendje të rëndë dhe janë transportuar me urgjencë drejt spitalit të Traumës në Tiranë.
“Rreth orës 21:30, në Ishull- Lezhë janë përplasur automjeti tip “Benz” me drejtues shtetasin T. K., me automjetin tip “Golf” me drejtues shtetasin J. B. Si pasojë e përplasjes janë dëmtuar të dy drejtuesit e automjeteve dhe pasagjeri në automjetin tip “Benz”, të cilët ndodhen në spital, në kujdesin e mjekëve”, njoftoi policia.
Siç duket edhe nga pamjet aksidenti ka qenë shumë i fortë mes dy mjeteve. Polica ndodhet në vendin e ngjarjes dhe po punon për zbardhjen e plotë të rrethanave të aksidentit.
