Një shqiptar ka humbur jetën në një aksident tragjik të regjistruar në zonën e Cremasca në Itali. Në aksident janë përfshirë tre automjete, teksa ka ndodhur pasditen e djeshme (e diel, 27 Tetor) në ish-rrugën shtetërore mes Cologno al Serio dhe Morengo.
Mediat përtej Adriatikut raportojnë se viktima është 44-vjeçari, Gëzim Margjoka, banuese në Crema. Ai ishte duke drejtuar një “Skoda Octavia” në drejtim të Cologno, kur për arsye të paqarta u përplas “kokë më kokë” me një makinë të dytë me një familje në bord (nëna, babai dhe dy fëmijë).
Një makinë e tretë, Ford Fiesta, ka dalë nga rruga për të shmangur përplasjen me dy mjetet e tjera. Mjekët konfirmuan në vendin e ngjarjes vdekjen e menjëhershme të 44-vjeçarit.
Ambulanca transportoi dy fëmijët, një djalë 7-vjeçar dhe një vajzë 3-vjeçare (jo lëndime serioze), në spitalin pediatrik në Brescia. Mësohet se 29-vjeçari që drejtonte Fiesta-n nuk u lëndua, ndërsa prindërit e fëmijëve u dërguan në Spedali Civili të Breshias.
Rruga ku ndodhi aksidenti u mbyll përkohësisht për qarkullim dhe u rihap pas disa orësh. Policia Rrugore e Bergamos po heton për zbardhjen e plotë të rrethanave të aksidentit.
