Gjatë inspektimeve në Parkun Arkeologjik të Amantias, punonjësit e Drejtorisë Rajonale të Trashëgimisë Kulturore Vlorë identifikuan praninë e një skulpture antike në akropolin antik, e cila ishte e ekspozuar pjesërisht në sipërfaqe.
Edhe pse skulptura antike nuk ruhej e plotë, nga ajo ruheshin një pjesë e konsiderueshme e elementeve.
Specialistët e DRTK Vlorë, realizuan ndërhyrjet e para për pastrimin e saj me teknika profesionale.
Tashmë po përgatitet kartela e objektit për regjistrimin pranë Institutit Kombëtar të Regjistrimit të Trashëgimisë Kulturore.
