“Gazment Bardhit po i shtohen çështjet që lidhen me drejtësinë edhe SPAK sot e paralajmëroi, e njoftoi se mesazhet që e lidhin me Vis Martinajn ishin të sajuara, por duke e këshilluar që herë tjetër të mos nxitohet ai dhe të tjerët për të publikuar materiale të paverifikuara. Ndoshta një paralajmërim që ai të mos thellohet në gabimet e Salianjit, pasi karma të rikthehet herë në formën e Vinit, herë në formën e Visit dhe në çdo rast fundi nuk është i lumtur”.
Këto ishin fjalët e mbrëmshme të gazetarit Sokol Balla ndaj kreut të grupit parlamentar të PD-së, Gazment Bardhi, për të cilat Partia Demokratike ka reaguar së fundmi dhe e ka dëlnuar këtë kërcënimin të hapur publik ‘“për vrasje ose burgosje”” nga gazetari më i afërt i Edi Ramës dhe zëdhënës jozyrtar i tij, siç e konsiderojnë demokratët.
Në komunikatën për mediat, PD shprehet se ky kërcënim është në vazhdën e përpjekjeve të gjithanshme të pushetit të Ramës dhe marionetave të tij në media për të heshtur dhe shkurajuar çdo zë në opozitë me kërcënime me jetë, burgu e forma të tjera shantazhi.
Sipas demokratëve, Sokol Balla nuk është i panjohur për qëndrimet anti-opozitare, pasi ai e ka kthyer televizionin ABC News në një makineri të përbaltjes së opozitës dhe pastrimit të imazhit të qeverisë.
Më tej thuhet se Sokol Balla është një prej njerëzve të pushtetit, i përfshirë edhe në fabrikimin e dosjes kundër Partisë Demokratike që iu dorëzuaa Charles McGonigal, sic thuhet në padinë e Departamentit të Drejtësisë “”nga njerëz të zyrës së Kryeministrit””.
Deklarata e plotë:
Partia Demokratike dënon me forcë kërcënimin e hapur publik të kryetarit të Grupit Parlamentar të Partisë Demokratike Gazment Bardhi ‘“për vrasje ose burgosje”” nga gazetari më i afërt i Edi Ramës dhe zëdhënës jozyrtar i tij, Sokol Balla.
Me tone kërcënuese Balla iu drejtua kryetarit të Grupit Parlamentar të PD me fjalët “”po vazhdove kështu do ta pësosh si Vini ose Visi””. Me këtë kërcënim Sokol Balla nënkupton burgun ose vrasjen, duke iu referuar rastit të burgosjes së deputetit demokrat Ervin Salianji, (Vini) dhe zhdukjes, së dyshuar si vrasje, të një prej eksponentëve të botës së krimit të organizuar në Shqipëri, Ervis Martinaj (Visi). Këtë të fundit, Rama për shkak të problemeve personale me të e kishte kërcënuar publiksht: se ia dinte targën dhe se do merrej personalisht me te’. Në fakt pak kohe pas ketij kercenimi publik ky person eshte zhdukur.
Sokol Balla kërcënon në emër dhe për interes të Edi Ramës, duke përforcuar një kërcënim që vetë kryeministri i bëri z. Bardhi pas vendimit të Gjykatës së Apelit për burgosjen e deputetit Salianji sepse ai denoncoi vëllanë e ministrit te Brendshem, që ndonëse i denuar ne Itali per trafik nderkombetar droge vazhdonte trafiqet nga Vlora nen ombrellen e vëllait minister.
Gazment Bardhi është denoncuesi i përfshirjes së të vëllait të kryeminstrit, Olsi Ramës, në rrjetin e prodhimit dhe trafikimit të kokainës ,i njohur si Xibraka.
Bardhi ka denoncuar jo vetëm përfshirjen e Olsi Ramës në këtë rrjet, por edhe faktin se prokuroria e ka fshehur identitetin e tij duke qenë se ai është vëllai i kryeministrit të vendit. Për këtë shkelje të hetimeve prokurorët e cështjes janë shpërblyer me poste të larta nga Edi Rama.
Ky kërcënim është në vazhdën e përpjekjeve të gjithanshme të pushetit të Ramës dhe marionetave të tij në media për të heshtur dhe shkurajuar cdo zë në opozitë me kërcënime me jetë, burgu e forma të tjera shantazhi.
Sokol Balla nuk është i panjohur për qëndrimet anti-opozitare. Ai e ka kthyer televizionin ABC News në një makineri të përbaltjes së opozitës dhe pastrimit të imazhit të qeverisë.
Balla është një prej njerëzve të pushtetit, i përfshirë edhe në fabrikimin e dosjes kundër Partisë Demokratike që iu dorëzuaa Charles McGonigal, sic thuhet në padinë e Departamentit të Drejtësisë “”nga njerëz të zyrës së Kryeministrit””.
Partia Demokratike as nuk trysnohet dhe as frikësohet nga kërcënime të tilla, por dënon me forcën me te madhe keto kercenime nga Edi Raama nepermjet zedhënësit te tij Balla. Ne vetëm sa rritemi në vendosmërinë tonë për të vazhduar aksionin kundër regjimit të Ramës dhe veglave të tij në media apo kudo.
