Një aksident i rëndë me pasojë vdekjen e një personi është regjistruar mbrëmjen e kësaj të mërkure në Vlorë. Ngjarja ka ndodhur rreth orës 20:20, në afërsi të urës në Orikum.
Autoritetet policore raportojnë se shtetasi K. C., 32 vjeç, duke drejtuar automjetin “Lexus”, ka aksidentuar shtetasin D. K., 46 vjeç, i cili lëvizte me biçikletë. Ky i fundit ka mbetur i plagosur dhe është transportuar me urgjencë në spitalin e Vlorës, por nuk ka arritur dot të mbijetojë plagëve të mara, duke ndërruar jetë.
Policia bën me dije se drejtuesi i automjetit është shoqëruar në komisariat për veprime të mëtejshme.
Grupi hetimor po punon për zbardhjen e plotë të rrethanave të aksidentit.
