Me 74 vota pro, 0 kundër, dhe 1 abstenim, Kuvendi ka miratuar projektligjin për një shtesë dhe disa ndryshime në ligjin 60/2023, për trajtimin e veçantë të studentëve që ndjekin programin e integruar të studimit të ciklit të dytë Mjekësi e përgjithshëm”, në institucionet publike të arsimit të lartë.
Projektligji u miratua me 74 vota pro dhe asnjë kundër. Një prej deputetëve abstenoi.
Propozimi për uljen e viteve të detyrimit të studentëve te Mjekësisë për të punuar në Shqipëri pas diplomimit në 3 vite për vitet e para, dy vite për studentët e viteve 2-4 si dhe një vit për ata të viteve 5 dhe 6 është diskutuar edhe në Komisionin e Ligjeve dhe të Edukimit, më 16 shtator ku opozita hodhi akuza për tarifën e studimit duke thënë se kostoja në relacion ishte 3-fish më e lartë.
Diskutimet në Kuvend për këtë ligj rinisën pasi Gjykata Kushtetuese shfuqizoi pjesërisht ligjin për studentët e Mjekësisë.
Argumenti i Kushtetueses se afati 5 vjetor është jo-proporcional, ka bërë që qeveria të propozojë që ky afat të ulet në 3 vite për ata që fillojnë rishtas, për studentët e vitit të dytë e deri në atë të katërt në 2 vite dhe për studentët e vitit të pestë e të gjashtë në vetëm një 1.
Në këtë seancë parlamentare opozita nuk mori pjesë për shkak se PD ka shpallur sot ditë zie në ndër të ish deputetit të PD, Gerti Bogdani, i cili u nda nga jeta një ditë më parë.
Në nisje të seancës, të gjithë deputetet e parlamentit ishin të pranishëm, duke mbajtur një minutë heshtje. Më pas opozita u largua.
Po ashtu Kuvendi miratoi edhe pikat e tjera të rendit të ditës. Kjo seancë zgjati vetëm 45 minuta, pasi nuk pati debate dhe diskutime.
Lexo edhe:
Vdekja e Gert Bogdanit, nis me 1 minutë heshtje seanca e sotme plenare
