Një aksident me pasojë vdekjen ka ndodhur ditën e sotme në Kukës. Një shofer ka humbur kontrollin e makinës dhe ka rënë në humnerë.
Raportohet se aksidenti ka ndodhur në rrugën mes fshatrave Topojan e Breki.
Si pasojë e aksidentit, ka humbur jetën 46-vjeçari që ishte në timon, ndërsa është plagosur vajza e tij e mitur, që ishte pasagjere në mjet.
“Rreth orës 09:20, në vendin e quajtur “Ura e Topojanit”, shtetasi A. I., 46 vjeç, duke drejtuar automjetin tip “Mitsubishi”, dyshohet se ka humbur kontrollin dhe si pasojë automjeti ka dalë nga rruga.
Për shkak të dëmtimeve, shtetasi A. I. ka humbur jetën.
Nga aksidenti është dëmtuar edhe vajza e mitur e shtetasit A. I., pasagjere në automjet, e cila është jashtë rrezikut për jetën.”– njofton policia.
Grupi hetimor po punon për sqarimin e rrethanave të aksidentit.
