Mbetjet spitalore kanë krijuar një situatë emergjente në Qendrën Spitalore Unversitare Nënë Tereza, e cila është më e madhja e vendit.
Edhe pse janë zhvilluar disa tendera dhe lojërat korruptive të kompanive apo zyrtarëve prej 4 muajsh mbetjet në QSUT nuk largohen dhe pasi kanë ezauruar hapësirat e brendshme, tashmë malet me mbetje kanë filluar të ngrihen edhe në ambientet e jashtme, sic duket qartë nga fotot.
Sipas Kapitali.al, në grumbullin e plehrave që ka pushtuar QSUT-në, gjenden mbetje të rrezikshme si dhe mbetje anatomike, nga ndërhyrjet kirurgjikale në QSUT.
Ndërsa bëhet e ditur se autoklava e cila përdoret për asgjësimin e mbetjeve anatomike është jashtë funksionit prej disa muajsh duke bërë që mbetjet të grumbullohen stivë, duke rrezikuar jetën e pacientëve që shkojnë për t’u kuruar në qendrën më të madhe spitalore në Shqipëri.
Ndërkohë ka dështuar edhe një tentativë e QSUT për të tenderuar evadimin e mbetjeve, pasi kompanitë që kanë fituar tenderat janë në hetim nga prokuroria për abuzimet që kanë kryer./ Kapitali.al
![](https://boldnews.al/wp-content/uploads/2024/09/qsut-2-640x1122.jpg)
![](https://boldnews.al/wp-content/uploads/2024/09/qsut--640x659.jpg)