Një 15-vjeçar është plagosur me thikë nga një 13 – vjeçar në Pogradec.
Ngjarja ka ndodhur rreth orës 20:50 minuta. Sipas policisë, plagosja ka ndodhur pas një sherri mes dy të miturve. Policia thotë se dëmtimi është i lehtë dhe 13 -vjeçari pas identifikimit do të shoqërohet në polici.
Pogradec
Rreth orës 20:50, në urgjencën e spitalit Pogradec, është paraqitur për ndihmë mjekësore një 15 vjeçar, banues në Pogradec, i cili gjatë një konflikti të çastit, është dëmtuar lehtë me mjet prerës(thikë), nga një 13 vjeçar.
15 vjeçari pasi mori ndihmë mjekësore në spital u largua në banesë.
Shërbimet e Policisë kanë identifikuar 13 vjeçarin i cili do shoqërohet në Komisariat.
Grupi hetimor ndodhet në vendngjarje dhe po punon për sqarimin plotë të rrethanave të ngjarjes.
