Xhaxhai i Aleks Nikës, pas dëshmisë në SPAK në lidhje me 21 Janarin, u shpreh se ka besim që Prokuroria e Posaçme do ta çojë deri në fund hetimin e ngjarjes.
Ai ka zbuluar detaje nga dëshmia e tij, ndërsa edhe një herë ka përsëritur kërkesën për hetimin e zinxhirit komandues, nga Garda tek ish-kryeministri Berisha dhe ish-ministri Basha.
Mark Nika: Në pamë që SPAK rifilloj hetimet, çështja do ti shkohet deri në fund që zinxhiri komandues të hetohet.
Pyetje: Keni besim tek SPAK?
Mark Nika: Unë jam i bindur se do ta çoj deri në fund, SPAK nuk ka ndikime politike dhe çështjen do ta çoj deri në fund. Më pyeten për kastën, nuk e dorëzova e ka Artan Hoxha dhe është i gatshëm për ta dorëzuar. Ne nuk kemi prova konkrete, por do të bëhet hetimi që të shkojnë tek provat.
Pyetje: Keni prova të reja ju?
Mark Nika: Kemi pamjet nga televizionet, ato do të grupohen dhe do ti çohën SPAK. Trajtuam edhe anën teorike sepse ka probleme në të drejtën penale se si do të trajtohen, parashkrimi. Ne themi që çështja të filloj nga fillimi të hetohet zinxhiri komandues si ka thënë Strasburgu, është krim shtetëror dhe shtetit duhet që të dalë para drejtësisë penale, sepse janë vrarë njerëz në bulevard. Të hetohet komandanti i gardës bashkë me kryeministrin dhe ministrin e brendshëm. Unë e kam ngritë dhe punën e predhës, por ajo është deformuar dhe është bërë e paidnetifikueshme dhe është loje e drejtësisë që të parashkruhet çështja. Duan që edhe 21 janarin ta heqin nga kalendari.
Pyetje: Nëse nuk dënohet zinxhiri e quani që dosja është zbardhur?
Mark Nika: Nëse nuk dënohet zinxhiri komandues nuk quhet dosja e zbardhur, përgjegjësia është tek komandanti i gardës tek kryeministri dhe ministri i brendshëm sepse po nuk dhanë urdhër ata nuk qëllohet. Të gjithë duhet të përgjigjen për vrasje në bashkëpunim
Lexo edhe:
“21 Janari”/ Bashkëshortja e Aleks Nikës 3 orë dëshmi në SPAK: Dhashë fakte të reja
