Avokati Ylli Manjani ka folur në lidhje me punën e SPAK dhe për goditjet politike që ai po bën.
Sipas Manjanit, kryetari i PD-së, Sali Berisha po goditet politikisht, dhe imuniteti i tij duhej të mbrohej në Kuvend nga deputetët e opozitës, me qëllim që të mbronin standardin.
Ai shton se imuniteti Kushtetues është bërë fiks për të mos bërë këtë, që i kanë bërë Berishës.
“Sistemi është ndërtuar në mënyrë të atillë, që të fryjë një grup kundër një grupi tjetër
Një luftë klasash.
Duke qenë të gjithë të hetueshëm, sigurisht që nuk ka vend për të gjithë menjëherë. A ka interesa politike në mes? Po sigurisht që ka.
Unë vetë personalisht ka kohë që them. Sali Berisha apo çdo deputet tjetër, çoje në gjyq, nuk ka nevojë për teatro, arreste, çoje në gjyq, nuk të ndalon imuniteti. Kape në flagrancë ministrin, prandaj është bërë SPAK.
E zure me presh në duar, çoje në gjyq se nuk ka imunitet që të mbron.
Për të gjithë deputetët e PD, mos na bëjnë sikur po mbrojnë liderin. Kishin një rast për ta mbrojtur liderin dhe ai ishte debati në parlament për imunitetin e Berishës. Imuniteti Kushtetues është bërë fiks për të mos bërë këtë, që i kanë bërë Berishës.
Ke dëgjuar ndonjë deputet të opozitës që të thoshte jo nuk pranohet kjo. Sepse nuk e pritnin që deputetët e opozitës të mos thonin asnjë fjalë, përkundrazi vajtën si dele dhe thonin, nuk mund të dalim kundër.
Ai nuk është standard, është poshtërsi.
Standardi është të mbrosh deputetin nga goditja politike. Prandaj është shpikur imuniteti parlamentar. Imuniteti nuk mbron askënd nga krimi, kreve krim do hysh në burg.
Imuniteti është vendosur në Kushtetutë për çdo deputet, për tu mbrojtur nga goditja politike. Kjo i ka ndodhur Sali Berishës. Ku janë deputetët që na bëjnë si cuba. Nuk kanë bërë detyrën kushtetuese. Kanë shkuar e kanë votuar atje, të gjithë pa përjashtim” – tha Manjani në ‘A show’ në SYRI TV.
