Një aksident automobolistik është regjistruar mbrëmjen e kësaj të hëne në Vlorë, me protagonis një efektiv Policie.
Autoritetet raportojnë se shtetasi E. B., me detyrë polic i patrullës së përgjithshme, duke drejtuar automjetin e Policisë, ka aksidentuar këmbësorin shtetasin F. Sh.
Ngjarja ka ndodhur në bulevardin “Ismail Qemali”. Këmbësori ka mbetzur i plagosur dhe është dërguar në spital për të marrë ndihmë mjekësore, teksa raportohet se ndodhet jashtë rrezikut për jetën.
Policia thotë se në lidhje me rastin është njoftuar AMP, dhe në bashkëpunim me grupin hetimor po punohet për sqarimin e rrethanave të aksidentit.
