Një aksident është regjistruar ditën e sotme në aksin Korçë-Bilisht ku mësohet se drejtuesi i një makine dhe pasagjeri që ndodhej në të kanë mbetur të plagosur.
Dyshohet se drejtuesi ka humbur kontrollin mbi drejtimin e automjetit dhe makina ka dalë nga rruga.
“Mesditën e sotme, në aksin rrugor “Korçë-Bilisht”, shtetasi A. M., duke drejtuar automjetin tip “Ford”, dyshohet se ka humbur kontrollin mbi drejtimin e automjetit dhe automjeti ka dalë nga rruga. Për pasojë janë dëmtuar drejtuesi i automjetit dhe pasagjeri I. M., të cilët u dërguan për mjekim në spital.”– njofton policia.
Grupi hetimor po punon për sqarimin e rrethanave të aksidentit.
