Opozita ka thirrur sërish protestën e shtatë radhazi përpara Bashkisë së Tiranës.
Në ora 11:00 është programuar që qytetarët të protestojnë pranë godinës së bashkisë e cila është shndërruar në një institucion ku ‘korrupsioni’ është kryefjala e çdo drejtues me në krye Erion Veliajn.
Por në prag të nisjes së protestës, Veliaj duket shumë i shqetësuar dhe për këtë arsye nga protesta në protestë shton numrin e policëve të cilët janë të detyruar të mbrojnë “korrupsionin galopant” që ushtrojnë titullarët e tyre në bashkinë e kryeqytetit.
Skandalet dhe aferat korruptive që çuan në arrestimin e një numri të madh drejtorësh të Veliajt kanë sjellë edhe reagimin e banorëve të kryeqytetit por jo vetëm. Godina e Bashkisë është rrethuar me gardh metalik dhe forca të shumta policie kanë rrethuar të gjithë zonën.
Kujtojmë që disa ditë më parë shoqëria civile së bashku me opozitë protestuan përballë Bashkisë së Tiranës ku kërkuan dorëheqjen e kryebashkiakut Erion Veliaj pas aferës “5D”, ku disa prej drejtorëve të kësaj Bashkie kishin përfituar miliona euro tendera nga kjo bashki apo institucione vartëse të saj me kompaninë e tyre “5D Konstruksion”, që sipas SPAK, pronarët “de facto” të saj ishin Mariglen Qato dhe Redi Molla.
Siç mund të shihni në pamjet më poshtë i gjithë institucioni është rrethuar dhe “blinduar” nga dhjetëra policë. Ndërkohë, struktura metalike është ngulur më vida në tokë që të mos shkulet lehtë nga protestuesit.
