Një 44-vjeçar shqiptar humbi tragjikisht në një aksident me motor në Fermo të Italisë.
Viktima e identifikuar si Lorenc Koleci humbi kontrollin e ‘scooterit’ elektrik dhe u rrëzua duke gjetur vdekjen.
Së bashku me viktimën në motor ishte edhe shoku i tij i cili mbeti i plagosur rëndë dhe u dërgua me urgjencë në spitalin e Ancona-s.
Ngjarja, sipas ANSA, ndodhi të dielën rreth orës 17:00, pak metra nga sheshi Ostilio Ricci.
Autoritetet nisën hetimet, me qëllim zbardhjen e rrethanave të këtij aksidenti të rëndë.
