Është mbyllur java e 35-të e Kategorisë Superiore. Në orën 16:00 u zhvilluan 5 ndeshjet e raundit të parafundit të kampionatit shqiptar duke dhuruar rezultate surprizë.
Në këto 5 sfida janë shënuar vetëm 4 gola, por me renditjen që ndryshoi terësisht.
Partizani fitoi në transfertë përballë Kukësit, 3 pikësh që i kalon “Demat” në vendin e dytë, teksa Vllaznia zbret e 3-ta pas barazimit 0-0 me Tiranën në “Air Albania”.
Laçi në krahun tjetër barazoi me Skënderbeun me rezultatin 1-1, me korçarët që kapin vendin e 4-të me 48 pikë, ndërsa kurbinasit janë zyrtarisht në “Play Out”. Me një pikë më pak janë Tirana dhe Dinamo që u mposht nga Egnatia 0-1. Këta të fundit, mbyllin sezonin zyrtarisht në vendin e parë me 63 pikë.
Ndërsa një tjetër rival që i është shtuar luftës për Final 4 është Teuta. “Djemtë e Detit” triumfuan në derbin e Durrësit, duke mposhtur Erzenin me rezultatin 0-2 dhe shkojnë në kuotën e 47 pikëve.
Tashmë në javën e fundit të Superligës, Skënderbeu, Tirana, Teuta dhe Dinamo do të luftojnë për vendin e katërt që do t’u japë mundësinë për të vazhduar luftën për titullin kampion.
Rezultatet:
Klasifikimi:
