Një sherr që ka degraduar në përplasje fizike raportohet të ketë ndodhur në qytetin e Elbasanit.
Tre shtetas përkatësisht të moshave 19 deri në 21-vjeç kanë dhunuar për motive të dobëta një 16-vjeçar.
Policia sqaron se ngjarja ka ndodhur mbrëmjen e kaluar në lagjen “Qemal Stafa”, jashtë ambjenteve të një lokali, ndërsa si pasojë ka nisur procedimi në gjendje të lirë për tre autorët.
“Komisariati i Policisë Elbasan referoi materialet në Prokurori ku nisi procedimi në gjendje të lirë për shtetasit e moshave -K. H., 19 vjeç, E. H., 19 vjeç dhe K. P., 21 vjeç, pasi mbrëmjen e djeshme, në ambientet e jashtme të një lokali në lagjen “Qemal Stafa”, për motive të dobëta, kanë goditur me grushte dhe shkelma një 16-vjeçar”,- thuhet në njoftimin e Policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
