Një aksident i pazakontë raportohet të ketë ndodhur në Itali. Një shofer shqiptar 22-vjeç, duke udhëtuar me mjetin tip “Volkswagen”, ka humbur kontrollin dhe ka “fluturuar” nga rruga duke përfunduar në kopshtin e një vile private.
Ngarja ka ndodhur në provincën e Padovës, dhe dyshohet se shkak për aksidentin ka qënë shpejtësia tej normave të lejura.
Si pasojë e aksidentit, të plagosur rëndë kanë mbetur si drejtuesi i mjetit ashtu edhe pasagjeri, një tjetër shqiptar 21-vjeç. Dy djemtë janë asistuar me ndihmë nga stafi mjekësor dhe janë dërguar në spitalin e Padovës. Ndërkohë makina është sekuestruar dhe nuk ka shkaktuar dëme në banesë.
