“Ne nuk tërhiqemi pa larguar nga zyra kryebashkiakun dhe kryehajdutin e Tiranës.” Kështu shprehet në një reagim anëtari i Kryesisë së PD-së, Belind Këlliçi pas protestës së sotme para Bashkisë së Tiranës, ku kërkohet dorëheqja e kryebashkiakut Erion Veliaj pas aferës “5D”.
Sipas tij, korrupsioni i Erion Veliajt, djeg çdo ditë ëndërrat e të rinjve dhe shpresën e kryeqytetasve për të jetuar në një metropol Europian.
Këlliçi shprehet se realitetin që ka sot Tirana, nuk e meriton asnjë qytetar, pa asnjë dallim politik. Ai i fton qytetarët në protestën e radhës para Bashkisë së Tiranës që do të mbahet të premten e ardhshme, sërish në orën 11:00.
Reagimi:
Korrupsioni i Erion Veliajt, djeg çdo ditë ëndërrat e të rinjve dhe shpresën e kryeqytetasve për të jetuar në një metropol Europian. Tirana sot është një qytet i vjedhur, pa teatër, pa galeri, pa bibliotekë, pa cirk, pa mjedise argëtimi dhe edukimi, pa parqe, pa hapësira publike, me shkolla me 2 turne, pa çerdhe, me trafikun më të rënduar në Europë dhe me ajrin më të ndotur në botë.
Ketë realitet, nuk e meriton asnjë qytetar i Tiranës, pa asnjë dallim politik. Ndaj për këto arsye, e shumë të tjera, ftojmë sërish qytetarët e Tiranës, javën tjetër, në protestën e rradhës, e premte, datë 26 prill, ora 11:00, përpara zyrës së pronarit faktik të inceneratorit Tiranë dhe 5D, Erion Veliaj.
Ne nuk tërhiqemi pa larguar nga zyra kryebashkiakun dhe kryehajdutin e Tiranës.
O sot, o kurrë ✌
