Një grup turistësh izraelitë që po qëndronin në hotelin “Vlora Priam” në Vlorë kanë përfunduar në spital pasi kanë shfaqur njëkohësisht probleme shëndetësore.
Sipas dëshmive të tyre, turistët janë ndjerë keq në të njëjtën kohë, me simptoma që i kanë bërë të dyshojnë se mund të ishin ekspozuar ndaj një rrjedhjeje të mundshme gazi nga sistemi i kondicionimit në ambientet e hotelit.
Pas ngjarjes, autoritetet kanë kryer kontrolle në hotel për të verifikuar shkaqet e incidentit. Nga inspektimet paraprake nuk është konstatuar defekt në sistemin e kondicionimit dhe as rrjedhje gazi që mund të kishte shkaktuar helmim.
Turistët kanë marrë ndihmën e nevojshme mjekësore dhe ndodhen jashtë rrezikut për jetën. Ndërkohë, vijojnë verifikimet për të përcaktuar shkakun e saktë të shqetësimeve shëndetësore dhe për të sqaruar rrethanat e ngjarjes.
