Kreu i Grupit parlamentar të Partisë Demokratike, Bazment Bardhi është kundër ligjit për planifikimin e territorit e cila u diskutua paraditen e sotme në Komisionin e Ligjeve.
Gjatë fjalës së tij, Bardhi tha se ky ligji i zgjeron kompetencat kryeministrit Edi Rama dhe vejndos pabarazi mes një qytetari të thjeshtë dhe një investitori strategjik.
“Ligji i zgjeron kompetencat kryeministrit dhe vendos pabarazi mes një qytetari të thjeshtë dhe një investitori strategjik. Që ta kuptojmë; Olta Xhaçka, ka një trajtim krejt preferencial kur ndërton hotelin 5 milionë euro, ne toke te vjedhur me letra te falsifikuara ne raport me një qytetar qe do të rregulloje një çati apo një dritare. Këto ndryshime kanë dy standarde.Ka edhe një arsye tjetër. Ata oligarkë që ndërtojnë pa leje ne vend që të shkojnë në burg siç shkon një qytetar në burg për një gardh, përjashtohen nga taksat dhe detyrimet. Prandaj ligji nuk është për qytetarët, por për kryeministrin dhe oligarkët.”, tha Bardhi.
Pas propozimeve të opozitës, u votua shtyrja e diskutimeve për këtë projektligj.
