Është publikuar një foto e Ibrahim Licit pas arrestimit në Turqi. Lici ishte i shpallur në kërkim ndërkombëtar për vrasjen e Endri Mustafës në 17 maj 2021 në Shkodër.
Gjykata e Rrethit Gjyqësor Shkodër, në vitin 2021, i ka caktuar Licit, masën e sigurisë “Arrest në burg”, për veprat penale “Vrasja me paramendim” dhe “Mbajtje pa leje dhe prodhim i armeve shperthyese dhe municionit”, pasi më datë 15.05.2021 vrau me plumb në gojë Endri Mustafën.
Interpol Tirana, në bashkëpunim me agjencitë ligjzbatuese, vijon punën për ekstradimin e të shumëkërkuarit, drejt Shqipërisë.
Kujtojmë se babai i Ibrahimit, Mustafa Lici, ka mohuar që i biri të ketë gisht në këtë ngjarje dhe për këtë tha se disponojnë edhe pamje filmike se ai ka qenë në tjetër vend kur ndodhi ngjarja.
