Një 26-vjeçar shqiptar i shpallur në kërkim nga Italia është arrestuar në Tiranë.
Në praga ka rënë shtetasi Xhesian Abedini, 26 vjeç, i cili është dënuar me burg nga Gjykata e Hetimeve Paraprake, Milano, Itali, për veprën penale “Prodhimi dhe shitja e narkotikëve”.
Autoritetet kanë nisur plotësimin e dokumenteve dhe ekstradimin e të riut drejt vendit fqinj.
“Gjatë operacionit, shërbimet e Policisë kanë kapur në rrugën “Rexhep Pinari” dhe kanë arrestuar me qëllim ekstradimin, shtetasin Xh. A., 26 vjeç. Ky shtetas ishte shpallur në kërkim ndërkombëtar, pasi Gjykata e Hetimeve Paraprake, Milano, Itali, i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”, parashikuar nga Kodi Penal i Italisë. Interpol Tirana vijon procedurat për ekstradimin e këtij shtetasi, në Itali”,- njofton Policia.
