Dy shtetas janë proceduar në gjendje të lirë pasi akuzohen për vepra të ndryshme penale.
Blutë bëjnë me dije se procedimi ka nisur për shtetasin me iniciale K.B pasi i është gjetur në automjet një sasi lënde narkotike, kanabis sativa.
Gjithashtu është proceduar shtetasi me iniciale Sh.K, pasi ka dëmtuar telat që furnizojnë me energji elektike fshatin Qukës.
Njoftimi i policisë:
Specialistët për Hetimin e Narkotikëve të DVP Elbasan referuan materialet në Prokurori, ku nisi procedimi në gjendje të lirë për shtetasin K. B., 25 vjeç, banues në Elbasan, pasi gjatë kontrollit në automjetin me të cilin 25-vjeçari qarkullonte, u gjet një sasi e vogël lënde narkotike cannabis sativa.
Specialistët për Hetimin e Krimeve të Komisariatit të Policisë Librazhd referuan materialet në Prokurori, ku nisi procedimi në gjendje të lirë për shtetasin Sh. K., 46 vjeç, banues në Prrenjas, pasi duke prerë një pemë në tokën e tij, nga pakujdesia, ka dëmtuar telat që furnizojnë fshatin Qukës, me energji elektrike. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
