Edhe pse prej disa vitesh në Tiranë duhet të paguash për parkimin, denoncimet dhe problematikat me të cilat përballen shqiptarët janë të shumta.
Kjo pasi në shumë raste nuk funksionon sistemi i parkimit online dhe në raste të tjera pagesa e kryer për parkimin nuk të njihet nga policia.
Një qytetar ka denoncuar në JOQ mënyrën si Erion Veliaj “vjedh” qytetarët.
Ai thotë se më datë 31 janar ka parkuar në një zonë B të Tiranës dhe ka paguar vlerën ashtu siç i takon. Por kur ka shkuar të marrë makinën, qytetari ka parë fletën e gjobës mbi makinë edhe pse kjo e fundit ishte ende e parkuar brenda afatit të paguar.
Qytetari e konsideron vjedhje të hapur këtë rast, pasi ka paguar për parkimin ashtu siç e kërkojnë rregullat dhe sêrish është gjobitur.
Ai thotë se këto raste të përsëritura vënë në pikëpyetje shërbimin online të parkimit por edhe policinë.
Denoncimi i qytetarit:
“Pershendetje! Ne date 31 janar, bera pagesen onkine per parkim. Kur u ktheva pashe qe ishte vene gjobe. Mora fleten e gjobes dhe shikoj qe ora e venies ishte brenda afatit te parkimit qe kisha paguar. Si behet ne kete rast?
Kjo eshte vjedhje e hapur shtetore. Si mund te gjobitesh, kur ke bere cdo gje ne rregull sipas kushteve te tyre? Ketu vihet ne pikepyetje, sherbimi online ose policia.”
