Një shqiptar është arrestuar nga policia britanike në Londër pasi ishte shpallur në kërkim ndërkombëtar i akuzuar për një vrasje të ndodhur në Elbasan.
Bëhet fjalë për Donald Hoxhën, i cili akuzohet si një ndër autorët e vrasjes së shtetasit R.R ndodhur në Elbasan në 22 korrik të vitit 2009.
Pas arrestimit të tij, kanë nisur procedurat për ekstradimin e 34-vjeçarit drejt Shqipërisë. Ndaj tij gjykata e Elbasanit ka caktuar masën “arrest me burg” për veprat penale të vrasjes me paramendim dhe armëmbajtjes pa leje.
