Një 42-vjeçar i shpallur në kërkim për grabitje, është arrestuar ditën e sotme në Elbasan.
Në pranga ka rënë shtetasi me iniciale D.B, pasi dyshohet se ka vjedhur një makinë dhe e ka shitur. Ngjarja ka ndodhur më datë 9 janar të këtij viti.
“Specialistët për Hetimin e Krimeve të Komisariatit të Policisë Elbasan kapën dhe ndaluan shtetasin e shpallur në kërkim D. B., 42 vjeç, banues në Elbasan. Ky shtetas ishte shpallur në kërkim për veprën penale “Vjedhja”, pasi dyshohet se më datë 09.01.2024, kur ka qenë i punësuar ekonomist në një firmë për përpunimin e betonit, ka vjedhur një automjet të parkuar në parkingun e kësaj firme dhe më pas e ka shitur atë”,- njofton Policia.
