Policia e Vlorës, FNSH dhe RENEA mbrëmjen e sotme kanë zbarkuar në qytetin e Vlorës.
Qyteti bregdetar është blinduar nga uniformat blu të cilat po ushtrojnë kontrolle ndaj automjeteve luksoze që qarkullojnë me xhama të zinj.
Drejtuesit e automjeteve nxirren nga mjeti dhe kontrollohen për armë zjarri, sende të forta dhe lëndë narkotike.
Prej ditësh FNSH dhe RENEA ka blinduar Vlorën në kontrolle në automjete dhe zona të riskut, fill pas ngjarjes së rëndë të ndodhur të dielën në mbrëmje në vrasjen me snajper të 23-vjecarit Gëzim Sinomati.
Pista ku janë përqëndruar hetimet është ajo e hakmarrjes. Gëzim Sinomati është djali i Sokol Sinomati i cili ndodhet në burg për vrasjen e një personi në vitet 2000. Ai ka qenë anëtarë të bandes Gaxhai që vepronte në qytetin bregdetar në vitet 97.
Vetë i riu nuk rezulton person me precedent penal as në Shqipëri dhe as në Belgjikë, shtet ku ai jetonte dhe nga ku ishte kthyer pak ditë para vrasjes për të festuar festat e fundvitit.
