Një sherr që ka degraduar në dhunë fizike ka ndodhur në një spital në Gjermani. Tre shtetas serbë kanë dhunuar një mjek dhe një infermiere.
Mediat e huaja shkruajnë se si pasojë e sherrit, infermierja dhe mjeku janë ende të paaftë për të punuar dhe janë në pushim mjekësor.
Infermierja pësoi lëndime në kokë ndërsa mjeku pësoi lëndime në fytyrë. Fakti që situata nuk u përshkallëzua më tej, vjen nga familjarët e një tjetri pacient, të cilët kanë ndërhyrë.
Raportohet se shkak për sherrin ka qënë pritja në radhë të shtetasve serbë, të cilët raportohet gjithashtu se ishin në gjendje të dehur.
Sipas asaj që shkruan Bild, oficerët e policisë arrestuan përkohësisht treshen në gjendje të dehur. Gjatë hetimeve u gjet edhe lëndë narkotike. Të gjithë u morën në paraburgim.
Policia po heton serbët për sulm ndaj punonjësve të rendit, pengim të personave në dhënien e ndihmës, kanosje dhe lëndim të rëndë trupor.
