Ministri i Brendshëm Taulant Balla ka deklaruar se Prokuroria duhet që t’i shkojë deri në fund hetimit për vrasjet në 21 Janar.
Në një konferencë për mediat, Balla ka deklaruar se Prokuroria duhet të vijojë detyrën, pasi vrasja e 2 prej 4 personave është konsideruar si vrasje pa autor. Po ashtu ai ka deklaruar se predha që vrau Aleks Nikën do të dërgohet pas dy ditësh në Itali për ekspertizë të theksuar.
“Sot jemi në kushte të reja të krijuara pas një vendimi shterues të Gjykatës. Në dritën e këtij vendimi edhe policia ka identifikuar detyrat që kanë lidhur lidhur me plot cështje, që hidhen me hetimin e veprimeve të autoriteteve ekzekutive por edhe zinxhirin komandues. Është në detyrën e të gjitha institucioneve për shkak se vrasja e 2 prej 4 personave është konsideruar si vrasje pa autor, prokuroria i ka mundësitë të vijojë, vendimi i gjykatës është urdhërues, e kemi përkthyer e kemi gati me të gjitha konkluzionet për hetimin e plotë, ku gjykata e vendos theksin te pjesa e zinxhirit komandues. Vendimi i Gjykatës ka hapur mundësi të re që i duhet shkuar deri në fund. Pas dy ditësh do niset në Itali predha dhe element të tjerë që të konkludohet edhe me elementë të tjera. Flas si ministër i brendshëm, jo si Taulant Balla një prej protestuesve të 21 janarit” u shpreh Balla
