Kryetari i Partisë së Lirisë, Ilir Meta, i pyetur nga gazetarët nëse do të jetë pjesë e protestës së opozitës para Gjykatës Kushtetuese tha se nuk është kjo çështja e rëndësishme. Ai tha se Gjykata duhet ta kishte zgjidhur këtë çështje larg diktatit të Ramës.
Meta shton se kjo çështje është zvarritur vetëm për interesa të Ramës dhe shton më tej se interesi i kryeministrit është të godasë opozitën.
“Nuk është kjo çështja e rëndësishme. Ajo që kemi mbështetur dhe mbështesim është që Gjykata dhe Gjykatat me kohë duhet ta kishin zgjidhur këtë çështje larg diktatit të Ramës. Kjo është çështje që është zvarritur vetëm për interesa e Edi Ramës që kërkon të mbjellë konfuzion në opozitë dhe të godasë e të dërmojë forcën kryesore opozitare për qëllimet e tij.”– thotë Meta.
