Aktivistë dhe qytetarë janë bërë së bashku paraditen e së hënës për të protestuar përballë dyerve të SPAK-ut ku kanë kërkuar hetimin e Erion Veliajt për dosjen e inceneratorit të Tiranës.
Shumë prej atyre që protestojnë, janë prekur nga veprimet e paligjshme të kryebashkiakut Erion Veliaj i cili prishi shtëpitë në astir, kombinat dhe njësinë nr.5 duke i lënë banorët në “qiell të hapur”.
“Drejtësia nuk mund të jetë selektive,” thanë aktivistët.
“Porositësi kryesor i kësaj afere të madhe korruptive është Erion Veliaj dhe ne nuk mund ta mbulojmë diellin me shoshë,” tha një aktivist, duke iu referuar aferës së inceneratorëve.
“Kjo nuk është drejtësi, kjo është drejtësi e shtrembër,” tha Nënë Liza, e cila u bë simbol i protestës te ‘5 Maji’.
Protestuesit kërkojnë që të shkojnë para drejtësisë, përgjegjësit e vërtetë të aferës, Erion Veliaj dhe Edi Rama.
