Një aksident i rëndë ka ndodhur mbrëmjen e djeshme në Portogruaro, në provincën e Venecias, në zonën Borgo Sant’Agnese, Itali. Automjeti me të cilin lëviznin tre të rinjtë ka dalë nga rruga dhe ka përfunduar në lumë.
Dy prej viktimave me origjinë shqiptare janë Egli Gjeci, 26 vjeç e Altin Hoti 22 vjeç, të dy banues në Concordia Sagittaria, si dhe shtetasje italiane Giulia Di Tillio.
Familja Hoti nga Kosova kishte pësuar një tjetër tragjedi pak kohë më parë, ku kishte humbur jetën vëllai 19-vjeçar i Altinit në një aksident rrugor po në Portogruaro. Ai kishte vdekur nga përplasja e makinës që po drejtonte, në krah të tij ishte babai i tij.
