Një shofer urbani është arrestuar ditën e sotme në Tiranë. Bëhet fjalë për 64-vjeçarin me iniciale SH.H, pasi ka hapur aksidentalisht derën e urbanit, e si pasojë është dëmtuar një e moshuar.
Kjo e fundit ndodhet në spital jashtë rrezikut për jetën.
“U arrestua shtetasi: Sh. H., 64 vjeç, banues në Tiranë, pasi duke drejtuar një autobuz, në bulevardin “Zogu i Parë”, dyshohet se aksidentalisht ka hapur derën e autobusit dhe si pasojë është dëmtuar shtetasja Z. B., 78 vjeçe, e cila ndodhet në spital, në kujdesin e mjekëve”,- thuhet në njoftimin e policisë.
