Trajneri i Kombëtares shqiptare, Silvinjo, ka deklaruar se ekipi kishte shfaqur vështirësi të mëdha në ndeshjen e sotme për shkak të ndryshimeve të shumta që ishin bërë në rreshtimin e kuqezinjve.
“Kjo është një skuadër e vështirë, ata janë guximtarë që japin gjithçka në fushë. Nuk është e thjeshtë, në dy ndeshjet e fundit të Ishujve Faroe në transfertë, ndeshjet janë zgjidhur me vështirësi. Për fat kemi ardhur të kualifikuar se kemi luajtur ndaj një ekipi të vështirë. Problemi është gjithmonë ai që kemi pak kohë për të punuar, e nis një ndeshje me një koncept ndryshe, pastaj lëvizjet ndryshojnë, krahët lëvizin, mesfusha nuk ishte me tre por me dy. Të gjitha në një ndeshje, është e vështirë. Në fund mund të hidhnim dy sulmues, menduam diçka ndryshe. Por këta kundërshtarë janë kështu. Aq sa Republika Çeke që është shumë e fortë, e zgjidhi me vështirësi në fund”, tha Silvinjo pas sfidës.
Sonte në “Air Albania” pritej një fitore për të kënaqur tifozët që kanë qenë në mbështetje të ekipit që në fazat e hershme të kualifikueseve. Por ky rezultat, por edhe loja jo në nivelet që na ka mësuar kjo Kombëtare lë dyshime të mëdha për një trukim të qëllimshëm.
Shqipëria sot luajti ndeshjen e turpit! A është i trukuar barazimi?
