Shqipëria mbylli kualifikueset e “Euro 2024” me një barazim pa gola në shtëpi përballë Ishujve Faroe.
Ky rezultat surprizues për nga loja dhe rezultati ishte i mjaftueshëm për të mbajtur vendin e parë në grup, teksa Republika Ceke pas fitores 3-0 ndaj Moldavisë u rendit e dyta me 15 pikë po aq sa edhe skuadra e Silvinhos, por ndeshjet direkte mes ekipeve sollën këtë klasifikim.
Sonte në “Air Albania” pritej një fitore për të kënaqur tifozët që kanë qenë në mbështetje të ekipit që në fazat e hershme të kualifikueseve.
Por ky rezultat, por edhe loja jo në nivelet që na ka mësuar kjo Kombëtare lë dyshime të mëdha për një trukim të qëllimshëm.
Ishujt Faroe i mbyllën kualifikueset në vendin e fundit me vetëm 2 pikë, përfshirë edhe barazimin e mbrëmjes së sotme në Tiranë.
Praktikisht kishim përballë një ekip të rëndomtë aq sa edhe kompanitë e basteve në të gjithë botën na cilësonin favorit absolut por “lojtarët e basteve” ndoshta kishin planet e tyre.
Një rezultat i tillë i bardhë 0-0 ishte favorizues teksa na mbante sërish në vendin e parë dhe askush nuk do të kritikonte skuadrën pasi objektivi i madh u realizua në transfertën moldave (1-1). Rezultat edhe ky surprizues duke patur parasysh faktin që rrezikonim vendin e parë në grup.
Dy barazime te njëpasnjëshme shtojnë edhe më shumë dyshimet për fiksim të ndeshjes nisur nga fakti që janë dy ekipet më të dobëtat te grupit.
Praktikisht, terreni për një “fiksim” të rezultatit ishte i përsosur, me të gjitha palët që do të dilnin të kënaqura, tifozët për kualifikimin e Kombëtares dhe aktorët e jashtëm me përfitimet e tyre që mund të kenë paracaktuar fatin e ndeshjes së luajtur mbrëmjen e sotme.
