Ka marrë fund arratia e 22-vjeçarit italian, Filippo Turetta, i cili akuzohet se ka vrarë ish-të dashurën e tij Giulia Cecchettin, trupi i të cilës u gjet në një kanal pranë liqenit Barcis, në provincën e Pordenone.
I riu është arrestuar në Gjermani, pasi kishte ndaluar në një pikë karburanti për të rimbushur makinën. Turetta u transferua në një qendër paraburgimi dhe pritet të ekstradohet drejt Italisë brenda 10 ditëve, shkruajnë mediat e huaja.
Sipas raportimeve i riu e ka qëlluar ish-të dashurën e tij të paktën 20 herë me thikë, dhe në trupin e viktimës janë gjetur plagë në kokë dhe qafë.
Sipas hetimeve, i riu e kishte planifikuar më herët vrasjen e ish-të dashurës së tij.
