Greqia ka paralajmëruar se do të bëhet pengesë për integrimin e Shqipërisë në Bashkimin Europian, nëse nuk lejohet që Fredi Belerit t’i jepet leja për të bërë betimin si kryebashkiak i Himarës dhe duke se e ka ndërmarrë aktin e parë.
Media greke “Kathimerini” shkruan se Athina nuk ka pranuar të firmosë një letër të përbashkët të 27 vendeve anëtare të BE për Shqipërinë me rastin e hapjes së kapitujve të parë të negociatave.
Sipas medias greke, Greqia nuk ka qenë plotësisht dakord me atë se çfarë shkruhej në progres-raportin e kandidatëve për anëtarësim në BE, në lidhje me çështjen Beleri, me pretendimin se nuk kanë qenë të qarta ndërlikimet e shkaktuara.
Athina zyrtare pretendon se arrestimi i Fredi Belerit është politik dhe se nuk po respektohen të drejtat e njeriut për ta lejuar betimin e tij si kryebashkiak i Himarës, ndërsa nga ana tjetër, kryerminisrtri Edi Rama pretendon se nuk mund të ndikojë ai tek drejtësia “e pavarur”.
Media greke thekson se paketa e parë për çështjet themelore që duhet të zgjidhë çdo vend kandidat për në BE përfshin pesë kapituj, përkatësisht ata që kanë të bëjnë me:
• Së pari, gjyqësori dhe të drejtat themelore.
• Së dyti, Drejtësia, liria dhe siguria.
• Së treti, prokurimi publik.
• Së katërti, statistikat.
• Dhe së pesti, kontrolli financiar.
