GJKKO ka rrëzuar kërkesën e Jamarbër Malltezin për lehtësimin e masës së sigurisë “arrest me burg” të vendosur kundër tij.
Lajmi është konfirmuar nga Gjykata e cila bën me dije se “ky vendim është bazuar në nenet 112, 249, pikat 1/1 dhe 7 të Kodit të Procedurës Penale”.
Kujtojmë se dhëndri i ish-kryeministrit Sali Berisha, Jamarbër Malltezi u arrestua në Rinas më 21 tetor me urdhër të SPAK për dosjen e privatizimit të ish-kompleks Partizanit.
Njoftimi per mediat:
“Gjykata, bazuar në nenet 112, 249, pikat 1/1 dhe 7 të Kodit të Procedurës Penale; VENDOSI:
Rrëzimin e kërkesës së kërkuesit/personit nën hetim Jamarbër Malltezi, me objekt: “Konstatimi i humbjes së fuqisë së masës shtrënguese “arrest në burg” të caktuar sipas vendimit nr. 112, datë 20.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj Prof.Dr.Jamarbër Malltezi.”, si të pabazuar në ligj.
Kundër këtij vendimi mund të bëhet ankim brenda 5 (pesë) ditëve në Gjykatën e Posaçme të Apelit për Korrupsionin dhe Krimin e Organizuar.
U shpall në Tiranë, sot, me datë 08.11.2023.”
