Punimet në Kuvend kanë mbetur në vendnumëro prej disa seancash teksa vijon përplasja mes mazhorancës dhe opozitës.
Prej disa seancash deputetët e opozitës kanë bllokuar punimet në parlament. Arsyeja sipas tyre, është sepse mazhoranca, duke përdorur forcën e kartonit, po rrëzon nisma të opozitës përfshirë këtu projektligjet, rezoluta dhe komisionet hetimore që janë kërkuar nga PD. Për komisionet hetimore, shprehet se janë refuzuar nga mazhorancës në kundërshtim me Kushtetutën.
Mazhorancës ndërkohë mban një tjetër qëndrim.
Pas seancës së sotme parlamentare të shoqëruar me tensione dhe e ndërprerë për shkak të tyre, kreu i grupit parlamentar socialist Bledi Çuçi u shpreh se skenari i opozitës ishte “i papranueshëm”.
Lidhur me rrëzimin e komisioneve hetimore të kërkuara nga opozita, ai tha se nuk është vepruar në mënyrë ligjore nga mazhoranca.
Ndërsa për nismat e tjera ligjore, tha se është një procedurë normale që shumica të mos bjerë dakord me opozitën.
“Nuk është e thënë që çdo amendim që vjen nga opozita duhet ta pranojmë. Nuk e kemi ne detyrimin të miratijmë amendimet e opozitës. Ndodh kur amendimet janë të vlefshme. Për Komisionet hetimore është e drejtë e opozitës që të ngrihen, por dhe sipas Gjykatës Kushtetuese nuk duhet abuzuar me këtë të drejtë. Dëgjovva dhe kolegun Bardhi që tha se nuk na kanë dhënë shpjegime. Nuk është e vërtetë. Ne kemi diskutuar gjerë e gjatë, kemi dhënë argumentet tona. Diskutimet ishin shteruese”, tha Çuçi.
