Interi ka fituar 2-1 ndaj Salzburgut duke marrë vendin e parë në grupin D. Pjesa e parë përfundoi me avantazhin minimal të zikaltërve, falë golit të Sanchezit në minutën e 19-të.
Në fraksionin e dytë të lojës, Salzburgu surprizoi duke barazuar shifrat me Gloukh në minutën e 57-të. Por barazimi nuk zgjati shumë, pasi Calhanoglu në minutën e 64 u tregua i saktë nga pika e bardhë e penalltisë.
Me këtë fitore Interi mban vendin e parë në grupin D me 7 pikë, ndërsa Salzburg ka 3 pikë.
Në ndeshjen tjetër të zhvilluar në orën 18:45, Bayern Munich fitoi në Turqi 3-1 përballë Galatasarayt.
Pjesa e parë u mbyll në barazim 1-1, falë golave të Coman për bavarezët dhe Icardi për turqit. Më pas në fraksionin e dytë të lojës, skenën e mori Kane me në gol dhe një asist.
Me këtë fitore Bayerni mban vendin e parë në grupin A me pikë të plota pas tre ndeshjesh.
