Një ngjarje e rëndë tronditi politikën dhe opinionin publik në Shqipëri dje pasdite ku për herë të parë SPAK “goditi” nga krahu i djathtë duke vënë në pranga dhëndrin e Sali Berishës, Jamarbër Malltezin dhe caktuar masën e sigurisë “detyrim paraqitje” për ish-kryeministrin referuar dosjes së privatizimit të kompleksit “Partizani”.
Deri në mesnatë Berisha ishte në selinë e PD-së, nga ku akuzoi Ramën dhe bashkëshorten e tij se fshiheshin pas sulmit dhe në fund refuzoi të takonte dy përfaqësues të Policisë së Shtetit që erdhën në seli për t’i komunikuar ndalimin e lëvizjes jashtë vendit.
Megjithëse kanë kaluar mbi 15 orë, kryeministri Edi Rama ka ‘kyçur gojën’ dhe ende nuk ka dhënë asnjë koment për aksionin e SPAK-ut që e akuzon Berishën për korrupsion pasiv.
Por ndërkohë që ndodhnin këto ngjarje me shumë ndikim në vend, Edi Rama, nuk e prishi terezinë, duke vijuar me postimet e tij “sportive”, si përherë. Dje, pasdite vonë hodhi një foto të stadiumit “Air Albania”, ndërsa dy orë më parë publikoi një video nga Parku “Vala” në “Lagjen 18” të Durrësit, duke u mburrur me fushat sportive të disiplinave të ndryshme, palestër të hapur, lojëra për fëmijë, korsi biçikletash, pistë vrapimi, zona pushimi etj. dhe duke u uruar shqiptarëve të dielë të bukur.
I gjithë kampusi opozitar e akuzon Ramën si orkestrues të këtyre arrestimeve me qëllimin e vetëm për të zhdukur opozitën në vendin tonë, ndërsa kreu i qeverisë ende është i pa shqetësuar dhe nuk ka reaguar për ngjarjen në fjalë.
Këto janë postimet e fundit të Edi Ramës në rrjetet sociale:
- Berisha akuzon Ramëmn si urdhërues të vendimeve të SPAK me qëllim për të zhdukur opozitën:
Jamarbër Malltezi është arrestuar nga policia këtë të shtunë, që ka ekzekutuar një masë sigurie arrest me burg të dhënë nga Gjykata e Posaçme me kërkesë të SPAK. Ai është ndaluar në Rinas lidhur me procedimin penal të privatizimit të kompleksit Partizani.
Kryetari i Partisë Demokratike, Sali Berisha renditi në një konferencë për mediat këtë të shtunë argumentat se pse ai dhe dhëndri Jamarbër Malltezi janë të pafajshëm ndaj akuzave të ngritura të SPAK ndaj tyre në procedimin për privatizimin e kompleksit Partizani.
Berisha i quajti masat politike të urdhër nga kryeministri Edi Rama prokurorët që firmën masat të kapur nga kreu i qeverisë. Berisha tha se Jamarbër Malltezi nuk është thirrur në jetën e tij nga asnjë prokuror apo asnjë gjykatës për asnjë çështje.
Berisha tha se duhet thirrur me parë kuvendi që të japë leje për ekzekutimin e një mase të tillë sigurie, ndërkohë ligjit flet ndryshe.
- Zbardhet pasuria që iu sekuestrua Jamarbër Malltezit
Pas arrestimit mbrëmjen e djeshme nga SPAK, GJKKO ka vendosur sekuestro preventive të pasurive të paluajtshme llogarive bankare dhe aksioneve që Jamarbër Malltezi dispononte. Vendimi u mor dje nga GJKKO mësohet nga njoftimi i SPAK ditën e sotme.
Në sekuestro preventive:
16 pasuri të paluajtshme
6 llogari bankare (në euro, dollarë dhe lek)
45% e kuotave te kapitalit themeltar në shoqëritë “Homeplan” shpk
100 % e kuotave të ‘Magnet IMO” shpk
60% e kuotave Magnet Gym&Fit
Pjesa nga njoftimi i SPAK:
“Mbështetur në kërkesën datë 15.10.2023 të Prokurorisë së Posaçme kundër Korrupsionit dhe Krimit të Organizuar Tiranë, Gjykata e Posaçme e Shkallës së Parë për Korrupsionin dhe Krimin e Organizuar Tiranë, me vendimin me nr. 410 datë 20.10.2023, ka vendosur masën e sigurimit pasuror “sekuestro preventive”, për 16 (gjashtëmbëdhjetë) pasuri të paluajtshme në pronësi të shtetasit J. M., 6 (gjashtë) llogari bankare (në euro, dollarë dhe lek) në emër të shtetasit J. M., si dhe kuotat e kapitalit themeltar në pronësi të shtetasit J. M. në shoqëritë “Homeplan” shpk (45% e kuotave), “Magnet IMO” shpk (100% e kuotave) dhe “Magnet Gym&Fit (60% e kuotave)”.
