Një grabitje nën kërcënimin e armës së zjarrit është regjistruar mbrëmjen e kësaj të marte në Tiranë.
Sipas autoriteteve policore, një shtetas ende i paidentifikuar, veshur me kostum të kuq dhe me kapele, dyshohet se nën kërcënimin e një sendi në dukje armë zjarri, ka vjedhur një shumë parash në një biznes, dhe më pas është larguar. Ngjarja ka ndodhur rreth orës 20:35, në rrugën “Myslym Shyri”.
Grupi hetimor ndodhet në vendngjarje dhe po punon për identifikimin dhe kapjen e autorit.
