Kreu i Partisë së Lirisë Ilir Meta ka deklaruar se ekonomia në Tiranë sa po vjen e po vështirësohet.
Në një takim me strukturat e në PL-së në kryeqytet, Meta ka Bashkia po mbledh taksa pa fund nga qytetarët dhe nuk po i kthen në shërbime por po i shpërdoron në tendera dhe kontrata të dyshimta. Po ashtu, Meta shprehur kritika për situatën e ujit të pijshëm, transportin urban dhe zhvillimin e qytetit pa kriter dhe pa plan.
“Ekonomia e familjeve të qytetarëve të Tiranës është vështirësuar prej taksave tepër të larta, që Bashkia e Tiranës u ka vendosur atyre. Bashkia Tiranë mbledh nga ekonomia e dobët e qytetarëve miliona euro përmes taksave, që grabiten më pas me qindra tendera e kontrata korruptive, duke i lënë realisht njerëzit pa shërbime. Rasti më flagrant ka qënë pak dite me parë me shtesën prej 5 milionë Euro të fondeve për inceneratorin e Tiranës, që nuk ekziston fare dhe këto miliona euro u hoqën nga fondet e arsimit, duke u mohuar kështu fëmijëve të kryeqytetit mundësitë për një arsim më cilësor, për shkolla pa turne dhe të pajisura me infrastrukturën e duhur. Taksa e përkohshme e infrastrukturës arsimore e cila është kthyer realisht në një takse të përhershme, që e paguan sot çdo banor i kryeqytetit, është shembulli më i qartë se kryetari i bashkisë Veliaj ka objektiv të rrëmbejë e shpërdoroje taksat e qytetarëve të Tiranës me qëllimin e vetëm, që të pasurojë klientet e tij të tenderave në kurriz të qytetarëve dhe jo të realizojë premtimet që ka bërë. Tirana pasqyra e korrupsionit me skandaloz, agresionit mbi mjedisin shendetin e qytetareve dhe mungeses se sherbimeve. Uji i pijshem pas rritjes drastike te cmimit me 40% mungon edhe ne qender te Tiranes ndersa ne periferi situata eshte mjaft me e rende. Eshte e qarte qe fondet shpërdorohen dhe vidhen dhe nuk shkojne atje ku jane nevojat me te ngutshme te qytetareve. E njejta gje ndodh me sherbimin e trasportit urban ku situata eshte e paimagjinueshme per nje kryeqytet sepse mungesa e mbulimit te mjaft zonave te qytetit, frekuenca e ulet si dhe aksidentet e kane shnderruar ne nje problem te perditshem dhe pa zgjidhje per dhjetra mijra banore të Tiranës,” tha Meta.
