Komisioni Qendror i Zgjedhjeve ka nisur testimin e pajisjeve PEI, për identifikimin elektronik të votuesve për zgjedhjet që do të mbahen në Kukës më 24 shtator.
Më 24 Shtator do të bëhen sërish votime në Bashkinë e Kukësit, pas skandalit të publikuar ku përfshihej kryetari i kësaj bashkie, Safet Gjici. Në garë do të jenë, kandidati i mazhorancës, Albert Halilaj, ish-prefekt i qarkut të Kukësit, dhe Emri Vata nga koalicioni ‘Bashkë Fitojmë’.
Kujtojmë që pas zgjedhjeve lokale të 14 majit u publikuan disa pamjet skandaloze të punonjësve të KQZ-së të cilët hidhnin si “plehra” pajisjet elektonike për t’i ngarkuar sa më shpejt në kamion, sikur nuk do të përdoren më kurrë.
Tenderi i këtyre pajisjeve ka kushtuar 23 milionë euro, paçka se më 14 maj pati shumë probleme dhe procesi i votimit në shumë qendra nisi me vonesë.
