Një 35-vjeçar shqiptar është plagosur me thikë mbrëmjen e djeshme në Itali. Ai u gjet i plagosur në Strada Nuova per Suzzara, në Codisotto di Luzzara dhe u dërgua në spital për ndihmë mjekësore.
Ka qenë një banor i zonës i cili rreth orës 20:00 ka vënë re shqiptarin i cili kërkonte ndihmë.
Shqiptari i plagosur ishte në gjendje të dehur, raportojnë mediat italiane.
Motivet e sherrit janë ende nën hetim.
35-vjeçari ndodhet jashtë rrezikut për jetën.
