Kuvendi ka konfirmuar sot se njeh zyrtarisht Lulzim Bashën si kryetar të grupit parlamentar të Partisë Demokratike.
Lidhur me këtë ka reaguar deputeti, Agron Gjekmarkaj, i cili duke ironizuar matematikën e Bashës, Gjekmarkaj tha se ai ka vetëm 7 deputetë, dhe nuk ka me çfarë ta shumëzojë që të dalin 49.
Gjekmarkaj: “Ne për fat të keq kemi pasur shumë probleme me matematikën 7 herë 7 bëjnë 42 dhe nuk na kanë dalë mirë llogaritë për 10 vite.
Në fakt matematicieni në fjalë ka vetëm 7 numra dhe nuk ka me çfarë ta shumëzojë që të dalin 49.
49 janë në krahun tjetër përballë 7.
Ligjësitë e Averroas nuk ka politikë që mund t’i ndryshojë. Çdo përsiatje ngjan e kotë dhe e tepërt kur numrat janë të qartë dhe shihen me sy nga aty lart,” tha ai.
