Qytetarët grekë kanë dalë sërish pasditen e së dielës në protestë për të kundërshtuar kartat e reja të identitetit.
Protestuesit brohorisnin parulla kundër kartave të identifikimit dhe mbanin pankarta me mesazhe të ngjashme si “jo skllavërisë elektronike”, por edhe imazhe me përmbajtje fetare.
Letërnjoftimet e reja kanë shkaktuar reagime nga një pjesë e qytetarëve, pasi janë të shqetësuar se ata përmbajnë një “çip” që kontrollon të dhënat e tyre personale dhe se do të gjurmohen përmes tyre.
Qeveria thotë se kartat e reja zëvendësojnë modelin e vjetër për të respektuar rregulloren evropiane.
