Një sherr që ka degraduar në përplasje fizike ka ndodhur pasditen e kësaj të marte në Librazhd. Një 34-vjeçari me iniciale E.D, ka goditur me grushte një 48-vjeçar, për shkak të një konflikti të castit.
Për pasojë ka nisur procedimi në gjendje të lirë për 34-vjeçarin.
“Specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi në gjendje të lirë për shtetasin E. D., 34 vjeç, banues në Librazhd, pasi dyshohet se për motive të dobëta, ka goditur me grushte, një 48-vjeçar”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
