Lulzim Basha ka reaguar pas ndryshimeve në qeveri të bëra publike nga kryeministri Rama.
Përmes një postimi në rrjete sociale, Basha shkruan se qeveria është damkosur tashmë nga SPAK për çështjen e inceneratorëve dhe se nuk mund t’i shpëtojë drejtësisë me “tubime partiake.”
Postimi:
Qeveria e damkosur nga SPAK për aferën e inceneratorëve nuk i shpëton dot drejtësisë me tubime partiake ku bashkë i bën vetëm frika e ndëshkimit prej zullumeve që kanë bërë në kurriz të shqiptarëve.
Drejtësia duhet të vijojë punën e saj për hetimin e aferës së inceneratorëve, sterilizimit dhe çdo denoncimi për korrupsionin shtetëror në çdo hallkë.
E pandikuar nga presioni qeveritar apo politik i kujtdo qoftë. Kjo është mënyra e vetme për të vënë para drejtësisë abuzuesit me pasuritë e shqiptarëve dhe bashkëpunëtorëve të tyre që e kanë lënë Shqipërinë peng të Edi Ramës.
